Breadcrumbs

Te Kōtihitihi - Ngā Tuhinga Reo Māori

Putanga 2

RĀRANGI KAUPAPA

 

He Poroporoaki ki a Kahurangi Te Heikōkō Kāterina Mataira

 
Pou Temara 

He Maimai Aroha mō Nātana Waka Takurua

 
Hōri Manuirirangi 

Te Whakapuakitanga

8
Korohere Ngāpō 

Mihi

10
Te Rangapū Tātari 

Ngā Tuhinga

 
Kia reo Māori anahe te reo karanga (ariā)
Haupai Puke
11
Te Ahi Kā (ariā)
Pou Temara
21
Me tangi ki te hunga whakamomori? (ariā)
Raukura Roa
31
Te kākahu whakataratara o Ngāi Tūhoe: Ko te reo ōkawa, ko te reo o te marae (ariā)
Agnes McFarland
41
He pao (ariā)
Tom Roa
53
Ngā āhuatanga o ngā momo tohu ki te Māori (ariā)
Sophie Nock
59
Te kete kōrero a Tūroa, te Onetū a Paetahi (ariā)
Wikitoria Day
75

Tukua mai: 'Putanga 2'


He Poroporoaki ki a Kahurangi Te Heikōkō Kāterina Mataira

Pou Temara
Te Pua Wānanga Ki Te Ao
Te Whare Wānanga o Waikato 
[mauriora[at]waikato.ac.nz]

Tukua mai: 'He Poroporoaki ki a Kahurangi Te Heikōkō Kāterina Mataira'


He Maimai Aroha mō Nātana Waka Takurua

Hōri Manuirirangi
Te Pua Wānanga Ki Te Ao
Te Whare Wānanga o Waikato
[horimanu[at]waikato.ac.nz]

Tukua mai: 'He Maimai Aroha mō Nātana Waka Takurua'


Kia reo Māori anahe te reo karanga

Haupai Puke
Te Pua Wānanga Ki Te Ao
Te Whare Wānanga o Waikato
[hpuke[at]waikato.ac.nz]

Tukua mai: 'Kia reo Māori anahe te reo karanga'

Ariā

Mā taku karanga o runga ake nei tēnei tuhinga e wāwāhi. Ahakoa he aha te ahurea ōna tikanga me ōna kawa, kua hurihia i roto i ngā rautau. Ko ngētehi kei te pupuruhia tonutia hāunga anō he hou ōna āhuatanga. Ko te kaupapa rangahau o tēnei tuhinga ko te karanga me ngētehi āhuatanga ōna hei tautoko i te whakahau kia noho reo Māori anahe te reo karanga. He aha e pēnei na ai te whakaaro mō tēnei o ngā tikanga o te ao Māori? I runga anō i ngā āhuatanga hou, i ngā whakarerekētanga tikanga o te karanga i roto i tēnei ao hurihuri kāore e tautāwhina te take. Ko ngā kōrero, ngā whakaaro hoki e whai ake nei e wānangahia ai hei tautoko i tēnei whakapae āku.


Ko te ahi kā te mauri o te mana o te hapū ki te whenua

Pou Temara
Te Pua Wānanga Ki Te Ao
Te Whare Wānanga o Waikato
[mauriora[at]waikato.ac.nz]

Tukua mai: 'Ko te ahi kā te mauri o te mana o te hapū ki te whenua'

Ariā

Ko te urutaumatua o tēnei tuhinga, ko te matapaki i te ahi kā. He aha tēnei tikanga? I pēhea i ara ake ai? He aha ōna mātāpono, ōna taipitopito? Koia te tūāpapa mō te tuhinga nei. Tuarua, ko te wānanga i te tikanga Māori me ōna rerenga pērā i te whakapapa. Ko te pātai ka puta i tēnei wāhanga o te wānanga ko tēnei nā, he aha te wāhi o te whakapapa ki te ahi kā? Ko te ngako o tēnei tuhinga ko te wetewete i te tikanga ahi kā kia whai tikanga ai te whakataukī nei, ‘ko te ahi kā te mana o te hapū ki te whenua’.


Me tangi ki te hunga whakamomori?

Raukura Roa
Te Pua Wānanga Ki Te Ao
Te Whare Wānanga o Waikato
[raukura[at]waikato.ac.nz]

Tukua mai: 'Me tangi ki te hunga whakamomori?'

Ariā

I runga o Tūrangawaewae Marae i te 19 Akuhata, 2011 i te rā kawe mate o te koroneihana o Kīngi Tuheitia, i whakatakotohia e Professor Pou Temara te urupounamu ‘ko te hunga whakamomori me tangi me aha rānei?’ Ko taku whakapae, ko te whakaaro pea o roto o tēnei pātai, e aro ana ki te hunga whakamomori. Heoi, ko te aronga kē pea o te kaupapa, ko tēnei mea te tangihanga. He whakapono nō te ao Māori, ko te tangihanga, he whakarangatira i te tūpāpaku me ngā mahi i oti i a ia i te wā o te ora. Heoi, ko tāku e uaparetia ana, ko te kawenga matua o te tangihanga, ko te aroha o te tangata ki te tangata. Ko ngā kaupapa o te tangihanga, tuatahi he tuku i te wairua ki te wāhi ngaro. Tuarua, he huarahi e tīngia ai e te Māori ngā panonitanga o te mate. Tuatoru, he hui e whai oranga ai te hunga ora. Nō reira ko taku paremata ki te pakirēhua a Professor Pou Temara, ae me tangi ki te hunga whakamomori ka tika. Ko te aronga o tēnei pepa he wānanga i ngā tuhituhinga kua puta kē ki te ao mā te wetewete i ngā kōrero mō te tangihanga, te mate, te rerenga o te wairua, te whakahaeretanga o te tangihanga, te whakamomori, me ngā whakapono o iwi kē mō te whakamomori.


Te kākahu whakataratara o Ngāi Tūhoe: Ko te reo ōkawa, ko te reo o te marae

Agnes McFarland
Te Kunenga ki Pūrehuroa

Tukua mai: 'Te kākahu whakataratara o Ngāi Tūhoe: Ko te reo ōkawa, ko te reo o te marae'

Ariā

Ko te reo ōkawa ara ko te reo o te marae, he reo hōhonu. Ka mutu, he tapu katoa ōna āhuatanga katoa. E rua ngā kōrero whakatau o runga i te marae. Ko te karanga me te whaikōrero. Kai roto i wēneki reo e rua, ka ahu mai te kupu nei te poroporoaki. Ka āta tirohia te poroporoaki i roto i ngā whakaaro e pā ana ki ngā tikanga o te karanga. Whai muri ka titiro ki te wāhanga o te poroporoaki i roto i te whaikōrero. Mā wēneki tikanga e rua, ka whakaputaina ngā whakaaro me te hōhonutanga o te mamae o te ngākau pōuri ka ea hoki te mamae. Ka tiro ake tātau ki ngā take i whakaputaina, ngā tohutohu ā rātau mā me ngā rongo o te wairua o te kupu kōrero. Tae atu hoki ki te tohungatanga ki te whakatakoto i te rerenga kupu mai i ngā whatumanawa o ngā kuia me ngā kaumātua ō Ngāi Tūhoe. Nō reira, ka titiro ake tātau ki ngā momo āhuatanga katoa o te karanga. Whai muri ko ngā tikanga e pā ana ki te whaikōrero. Whai muri, ko wētahi atu tūmomo tauira mō te poroporoaki.


He Pao

Tom Roa
Te Pua Wānanga Ki Te Ao
Te Whare Wānanga o Waikato
[tomroa[at]waikato.ac.nz]

Tukua mai: 'He Pao'

Ariā

"Ko Te Whare Wānanga O Waikato" te ingoa o tētehi pao nāku i tito hei waiata mā Te Whare Wānanga O Waikato, i te tau 2004.


Ngā āhuatanga o ngā momo tohu ki te Māori

Sophie Nock
Te Pua Wānanga Ki Te Ao
Te Whare Wānanga o Waikato
[sophnock[at]waikato.ac.nz]

Tukua mai: 'Ngā āhuatanga o ngā momo tohu ki te Māori'

Ariā

Ka tirohia poto noatia atu ētahi o ngā momo tohu mate, ngā tohu ora o te ao e hāngai pū ana ki ā tātou tikanga hei whakamīharotanga mā tātou. Ehara i te mea me waiho ēnei kōrero hei te wā takahi tikanga kē kātahi ka kōrero ai, kāo, e tika ana kia whakaarahia ake hei kaupapa wānanga mā te Māori mōna anō. Kāti, i roto i ēnei kōrero ka tīpakohia ētahi tauira o te tohu ora, mate rānei kei runga i ō tātou marae; arā, te katinga o ngā kūaha o te wharenui, te whatinga o te whaikōrero, te karanga rānei, te whīwhiwhitanga o te haki, te noho mai a te wahine i ngā amo, te āhua o te kōpere, ngā kararehe me ngā manu. Hei aha, hei whakaarotanga, hei wānangatanga mā tātou me te whai whakaaro ake ki te pātai; He aha te Māori i whakarongo ai ki ngā momo tohu o runga marae, o roto o te taiao? He aha te Māori e titiro ai ki ngā momo kararehe, ki ngā momo manu rānei, me te whakapono mārika kei te kawea ngā karere e ngā manu, e ngā kararehe? Kei roto i ngā whakahokinga kōrero a ētahi tāngata, kaumātua mai, pakeke mai ngā whakautu hoki ki aua pātai o runga rā.


Te kete kōrero a Tūroa, te Onetū a Paetahi

Wikitoria Day
Te Whare Wānanga o Waikato

Tukua mai: 'Te kete kōrero a Tūroa, te Onetū a Paetahi'

Ariā

He maha ngā kōrero mō te whaikōrero. He tikanga nui anō tēnei i te mea. koia tēnei te mahi, he whakakao kōrero e hāngai ana ki te kaupapa, engari kia tohunga, kia mārama te rere o te kupu. Ko te pūtake o te whaikōreo ko tana uru atu i te tapu o te hunga wairua koi riro ai ko te tangata e kawe ana i te kaupapa, koirā te anga o te hunga wairua e kōrero ana i ngā kaupapa kia rongo mai ngā taringa a ētahi. (Black, 2000)

Ko ngā kōrero o raro iho nei ko ngā kupu a Hoani Te Rangiāniwaniwa Rangihau e whakahua i ngā kōrero mo te whaikōrero:

Tukua tō kōrero kia uiuia tētahi whakaaro ki roto i tō hinenhgaro i runga anō i te mea, e kōrero ana koe mō tō rahi katoa, arā te hunga wairua, tō iwi, tō hapū, tō whānau, ō mātua, me ō karanga rua e piki ake nei. Whiria tō kōrero hei whakaoho i tō ngoi kia kore ai e maninohea tēnei tikanga a tātau. Me raumahara hoki ki ngā kahikātoa e tipu rā i ngā parenga, ngā tārua, i ngā tau pāhekeheke o te wai kaukau ō koutou tīpuna o Waikaremoana. He rākau tēra i te kahikātoa, kia pēra tō koutou kaha, kia pēra tō tū. (Rangihau, Kura Wānanga a Tūhoe, 1985)

Koia rā ko ngā kupu a Rangihau hei whakakipakipa, hei whakapoapoa anō hoki i ngā mangainga o Tūhoe, otirā ngā iwi huhua o te whenua e noho nei tātou kia mau pūmau ki tēnei tikanga kāmehameha a tātou, arā te whaikōrero.