Breadcrumbs

National Māori Academic Excellence Awards

Friday 29th April 2011

‘Puritia te kakau o te hoe kia tere whakamua ai te mātauranga a te Māori’

I te Rāmere te rua tekau mā iwa o Paengawhāwhā i whakarauika te hunga ki te marae o Tūrangawaewae ki  Ngāruawāhia mō te pō tuku i ngā tohu e kiia nei ko Te Amorangi.  Ko te tikanga o ngā tohu nei he whakanui i ngā tāngata Māori i tūtuki i ā ratou tohu kairangi i te mutunga o te tau rua mano ngahuru.

I whakatūngia e te Whare Wānanga o Waikato ngā tohu nei i te tau rua mano mā rua ki raro i te maru o Tā Tāmati Reedy te kaihautū o Te Kura Pua Wānanga ki te Ao i aua wā, ā mai i taua wā tae noa ki tēnei wā nuku atu i te toru rau o ngā tāngata kua eke ki tēnei o ngā pae o te mātauranga kia puta ai hei Tākuta, hei tohunga o ā rātou kaupapa rangahau ake.

Ia tau ka tohua e tō tātou ariki e Kiingi Tuheitia tētehi tangata kua kaha pukumahi hei whakatere i te waka o te mātauranga hei pāinga mō te iwi Māori whānui.  Ko te ingoa o te tohu nei ko te tohu whakamaharatanga ki a Te Arikinui Te Atairangikaahu ā i riro i a te Amorangi o Te Wānanga o Aotearoa ko Bentham Ohia.  Haunga i a ia rima tekau ngā tāngata i waimarie ki te whiwhi i te tohu Amorangi.

Read this article in English