Breadcrumbs

Kīngitanga Day 2011

‘He aha te mahi mō runga i te marae e tū nei, e ko te tui, e ko te tui, e ko te hono ki te kotahitanga ki te Kīngi Māori e tū nei!’

I te tekau mā whā o Paengawhāwhā i tū te rā hei whakanui i te Kīngitanga ki te Whare Wānanga nei, a ko tēnei te tau tuatoru kua tū te kaupapa nei.  Ko te tino ngako o te rā he whakakotahi anō i te iwi whānui,  Māori mai tauiwi mai i runga anō i te kaupapa o te Kīngitanga, hei toro atu hoki ki ngā āhuatanga huhua o te ao Māori.

Whērā i ngā tau ki muri he maha rawa atu ngā tūmōmō mahi i whakahaerehia i taua rā, whērā i ngā tū kaikōrero rongonui mātau hoki, i ngā mahi pākihi, i ngā karaehe ako mahi toi, i te korikori ‘Zumba’, i ngā mahi ngahau, i ngā waiata me ngā haka, i ngā toa hokohoko, i ngā kai reka rawa me ngētehi atu āhuatanga papai hei whakahihiko i te minenga i tae atu.

E paki ana te rangi a muia te wāhi nei e te tini me te mano, a i rongo mārika hoki i te wairua harikoa i te wairua hūmārie puta i te Whare Wānanga.

Read this article in English