Breadcrumbs

Māori Info Day

I te Rāapa te tuarua o Poutū-te-rangi 2011 i tū tētehi rangi ki waho o Te Āhurutanga hei whakamārama i ngā tū āhuatanga hei tautoko i ngā mahi ako a te tauira Māori i a ia i Te Whare Wānanga o Waikato.
Nā tētehi o ngā pūkenga me ngā kaikōkiri o te kura o Te Puawānanga ki te Ao i whakatūwhera me te whakakapi i te rangi ki te karakia arā ko Haki Tuaupiki.  Ko te tino kaikawe i ngā mahi o te rā ko MC Mac aka Hōhepa Macfarlane, nāna ngā mahi i hautū i ārahi anō hoki ki mua i te aroaro o te mahi o te tangata i tae atu.

Nā ngā kaiāwhina Māori o ia wāhanga o te whare wānanga nei arā ko ngā ‘Māori Mentor Coordinators’ me te kaiwhakahaere whānui o ngā mahi tautoko mō te tauira Māori arā ko Krista Henare ngā mahi o te rā i whakarite. 

I whai wā ngā tauira ki te pā atu ki ngā kaiāwhina o o rātou ake kura ako me ngā puna tautoko whērā i te wahine tiaki karahipi a Gwenda Pennington me te kaingārahu a Maria Reynolds, i reira hoki a Chae Simpson he kaitakawaenga mō Kia Ora Hauora anō nei he tauira tawhito ia nō Te Kura Raupapa, ēngari ko te tino karoti mō ngā tauira ko ngā wātaka Māori i tohaina mō te kore utu.

Atu i te whāngai i te hinengaro i reira ngā kai reka, me ngā kaiwhakangahau o te roopū Kuki Airini me ngā tūmōmō paraihe hei kīnaki i te rā.

Read this article in English