Breadcrumbs

Te whakanuia i te wā o Matariki me Hineraukatauri


Nō te Rāmere te tuawhā o Pīpiri paohotia ana te reo a Hineraukatauri te atua wahine kaitiaki o ngā taonga pūoro me ngāna tamariki, ā he karanga ki te tau hou Māori ārā te wā ka puta mai ngā kāhui whetu o Matariki.

Kikī katoa te whare whakaari nui ki te whare tāpere ki te Whare Wānanga o Waikato i te tini o te tangata mai i ngā tamariki kōhungahunga tae atu ki ngā kaumātua mai i te rohe whānui o Waikato.  E hīkaka katoa ana rātou ki te mātakitaki i te konowhete i whakaritea hei kawe i te kaupapa o Matariki me ngāna hononga ki a Hineraukatauri.
Ko Rangiiria Hedley, te Pūkenga nō te akoranga taonga pūoro, me ngētehi o ngāna tino tauira ngā kaihautū me ngā kaituitui o ngā mahi.  Ko ngā tino kīnaki ko ngā tamariki o Te Kura o Te Ahorangi me te reo waitī waitā o te manu tioriori rongonui a Hinewehi Mohi.

Miharo rawa ngā nekenekehanga me ngā āhuatanga ngahau i puta i runga i te ātamira.  Ahakoa rua haora te roa o ngā mahi, i āta noho ngā tamariki mokopuna o ngā kōhanga reo tae noa ki te mutunga, ā, he tino tohu tērā o te pai o ngā mahi pea.

E ai ki a Hinewehi he rawe ki a ia te hoki ki tōnā whare wānanga tawhito ae he tika hoki kia whakahokia te aroha ki te wāhi nei nā te nui o ngā mātauranga i whakawhiwhia ki a ia.

E rere tonu ana ngā mihi ki ngā kaitautoko me ngā kaiawhina katoa o te rā.

Read this article in English

matariki
Te Kura o Te Ahorangi with Hinewehi Mohi, Kotuku Tibble, Rangiiria Hedley and Ngā Taonga Pūoro Performers.