Staff + Student LoginA Semester Hakinakina 2008
Muia ana ngā whīrā tākaro o Te Whare Wānanga o Waikato e ngā tauria Māori nō ngā kura e whitu o te wāhi nei i te Wenerei te rua o Paengawhāwhā 2008. Ki te aha, ki te tākaro, ki te whakataetae, ki te ngahau hoki i runga i te whakaaro kōtahi i runga anō i te wairua harikoa.
Ia wāhanga o te tau, arā hei te A me te B Semester, ka whakatūngia he rangi Hākinakina hei whakakōtahi i ngā tauria Māori puta noa i Te Whare Wānanga whānui. Ko ngā tūmōmō Hākinakina ka tākaro ko te Whutupōro Pā me te Nētipōro ā ka whakaritea he kēmu rerekē hei whakakatakata i te minenga.
Ahakoa i kaha pakanga ngā tīmā katoa i toa te tīma ko LDSSA i tuarua ko Te Aka Matua, ā, i tuatoru ko Te Roro o te Hiko. I tukuna he paraihe ki te tīma ko Eire Vibes nō Te Tohu Paetahi mō te hiki i ngā āhuatanga o te mahi tahi me te whanaungatanga, wairua mahaki. Hei tino whakatau ko wai i toa i ia tūranga i whakatārewa i tētehi whakataetae kanikani arā ko te ‘Krumping’. Ka mau kē te wehi ki ngā tāngata tokomaha e kore e whakamā ana ki te wiriwiri i ngā tou, te wero atu hoki ā kanikani nei ki te hoariri.
E rere tonu ana ngā mihi ki ngā kaikawe kōrero (MC’s) a Whetū rāua ko Pene nō te WSU, ngā kaitākaro, ngā rēwherī ōtirā ki ngā kaitautoko katoa i tae atu ki te Hākinakina. Ko te tūmanako ka ū mai anō ngā tāngata o mua me ngētehi kanohi hou pea ki runga i te waka o te Hākinakina mō te wāhanga tuarua o te tau ako.
To read this article in English click here.
Ngā Toa - LDSSA
Te Roro o te Hiko - Taumata Tuatoru
