Staff + Student LoginKīngitanga Day
Kei whea mai ngā mahi i whakaritea hei whakanui i te rā o te Kīngitanga i whakatārewa tuatahingia i te Rātū te 21 0 Paengawhāwha. He rā motuhake he rā whakahirahira ā koinā hoki te rā whānau tūturu o tō tātou Kīngi Māori a Kīngi Tūheitia.
Ahakoa te kōpatapata mai o te ua kōnehunehu he tohu aroha he whakamaharatanga hoki ki a rātou mā kua riro atu ki te pō hei āhuru mōwai mō te hunga ora.
I whakakorengia ngā akoranga katoa puta noa i te Whare Wānanga o Waikato kia ahei ngā tauira me ngā kaimahi katoa te uru atu ki ngā mahi ki ngā āhuatanga huhua.
Ko ngaua mahi ko ngaua āhuatanga rā ko ngā tūmōmō kauwhau, ko ngā mahi whakangahau, ko ngā akoranga haka, ko te raranga, ko te waihanga taonga, ko te tā moko tūturu, ko ngā tū toa hokohoko, ko ngā kai rerekē me ngētehi atu mahi hoki.
He rawe te kite atu i te rerenga kētanga o ngā tāngata i tae mai ki te rā Kīngtanga mai i ngā kōhungahunga tae atu ki ngā pakeke kaumātua. He kaha te tautoko mai o te hāpori whānui.
I kaha rangona te wairua mahaki i te wairua harikoa hoki mai ngā tōpito katoa o te Whare Wānanga o Waikato ki te hui tuatahi o te rā Kīngitanga, a ka tiro whakamua tātou mō te tau e heke mai ana.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
