Staff + Student LoginMatariki Market Day
He rangi paihuarere i te Rāapa te tuatoru o Pīpiri i tō tātou mahinga hei whakanui i te wā o Matariki.
I te wiki whakamutunga mō te wāhanga tuatahi o te Whare Wānanga o Waikato tokomaha ngā tāngata nō ngā tōpito katoa o te ao, Māori mai, tauiwi mai, i tae mai ki te papa kākāriki ki te ngahau ki te rongo hoki i te wairua o Matariki.
Ahakoa te paki o te rangi he maeke tonu he tohu nā te hōtoke me te makariri o te takurua ki Kirikiriroa nei.
Hei whakamahana i ngā tīnana hei mākona hoki i ngā puku o te hunga i tae atu, i tunua e te WSU he hūpa reka rawa atu hei tohaina mō te kore utu. Nā te reka nā te kore utu hoki i tere pau!
I reira hoki ngētehi toa hei hokona atu i ā rātou taputapu rerekē me ngētehi paraihe papai hei tirohanga mā te minenga, hei whakanikoniko hoki i te kaupapa.
Miharo katoa te hunga mātakitaki ki ngā tū kaiwhakangahau me ā rātou mahi a ko Te Tohu Paetahi tērā rātou ko DJ Phatmode, Ko Raeleen Marsters, ko te rōpū Kuki Airini ko Te Orau Maeva me ngā kaitaramu o Waitaiko.
Ka nui te mihi ki ngā tāngata katoa i kaha tautoko i te kaupapa o te rā.
 |
 |
 |
 |
 |
 |
 |
 |
 |
 |