Staff + Student LoginNational Māori Academic Excellence Awards
‘Ko te Amorangi ki mua, ko te hāpai o ki muri, ko te tūturutanga mahi pono o te Māori mana motuhake’
Koinei te whakatauki kua noho hei tūāpapa mō tēnei āhuatanga whakahirahira arā ko te pō tuku i ngā tohu ki ngā Kairangi Māori kue eke ki ngā tiketiketanga o te mātauranga puta noa o te motu.
I tū anō ngā mahi nei ki te marae o Tūrangawaewae, ā, karekau he wāhi tū atu i tēnei hei āhuru hei manaaki i te iwi i runga anō i te kaupapa o te wā.
Rua tekau mā waru ngā tāngata i whai tohu i tēnei tau mō ngō rātou tohu tākutatanga mai i ngā kaupapa akoranga katoa. I riro i a te ruruhe a Carmen Kirkwood i te tohu whakamaharatanga ki Te Arikinui Te Atairangikaahu.
I reira te kaiwaiata, te kaipūoro hoki a Ruia Aperahama rātou ko te rōpū kapa haka o Te Pou o Mangatawhiri me te kaiwhakatangitangi ‘violin’ a Elena hei whakakīnaki i ngā mahi a te pō hei whakangahau hoki i te tangata.
E ai ki te Tūmuaki Māori o te Whare Wānanga o Waikato arā ko professor Linda Tuhiwai Smith ka pūpuri ka tiaki tonu a Waikato i te mana whakahaere i te pō tuku i ngā tohu ki ngā Kairangi Māori mō ngā tau e heke tonu mai ana.
E kore e mutu ngā mihi ki ngā ‘Amorangi’ arā ki ngā kairangi mō tō rātou tūtukitanga i ngā mahi tākutatanga me ngō rātou whānau kua noho hei poutokomanawa kua kaha tautoko hoki i a rātou kia eke ai ngaua tāngata ki te taumata.
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
 |
1 2