Staff + Student LoginTe Pua Wānanga ki te Ao
School of Māori and Pacific Development
Hei āwhina i ngā tauira ki te āwhina i a rātou anō
To Help Students, Help Themselves
Click here to view our webpage in English.
Tātai Aronui
E ngā hau e whā nau mai ki te whare o Tātai Aronui; ko koutou, ko tātou te whare nei. Ko tēnei te reo pōwhiri e karanga atu ana ki te hunga e kaingākau nui ana ki te whai atu i te waka mātauranga i raro i te maru o tō tātou nei kura, o Te Pua Wānanga ki te Ao, o te Whare Wānanga o Waikato. Nō reira, ngā mihi nui rā.
E tino kaha ana a Tātai Aronui ki te manaaki i ngā tauira hōu me ngā tauira o nāianei e ako mai ana i raro i te maru o Te Pua Wānanga ki te Ao - School of Māori and Pacific Development (SMPD). Ko tā māua tino mahi he āwhina i a koutou i roto i ā koutou mahi katoa i Te Whare Wānanga o Waikato nei.
I te Whare Wānanga nei, he maha hoki ngā āhuatanga hei whāngai atu i te taha tinana, taha wairua, taha hinengaro, me te taha mātauranga. Pēnei i te kapahaka, te pōwhiri, te kai tahi, te hākinakina, te mea, te mea, te mea.
E tuwhera ana te kuaha o Tātai Aronui ki a koutou mai i te Mane ki te Paraire, nō reira, nau mai, haere mai ki te tūtaki me te kōrero mai ki a māua ahakoa tō take; ko āu pepa, tō oranga, te kōrero noa iho rānei. Tino ngākaunui māua ki te tūtaki atu ki a koe nō reira kaua e whakamā, haere mai, waea mai, īmēra mai rānei!
Tēnā koutou, tēnā koutou, tēnā anō tātou katoa.
Tō Kaiwhakaruruhau
Jillian Tipene |
|
|---|---|
| Tari: | A.1.22 |
| Ngā rā/Ngā hāora: | Peka noa mai - Mane ki te Paraire (1-2pm), whakaritea rānei wā hui |
| Waea: | (07) 838 4020 |
| I-mera: | jtipene@waikato.ac.nz |
Ngā hononga
Hei pānui kōrero atu anō e pā ana ki a Te Pua Wananga ki te Ao, toro atu ki tā mātou whārangi ipurangi.
