Te wiki o te reo Māori 2009

Māori Language Week

I ngā wiki kua pāhure ake i whakanuia e te motu whānui te reo Māori mō te kotahi wiki Māori mai Tauiwi mai. Ko te kaupapa i tēnei tau ko te reo i te hāpori, arā ko te whakahau i ngā tāngata katoa ki te whakamahi i te reo Māori ki waho i te kāinga hoki ahakoa ki whea ahakoa pēwhea nei te matatau o tō reo.

I whakatūhia e te Whare Wānanga o Waikato ngētehi kauwhau e pā ana ki ngētehi haka rongonui e kaha haka ana i Aotearoa nei, i te ao puta noa hoki. I tae mai a Raahui Papa nō Waikato hei kōrero mō te haka ko ‘He Oranga’ rātou ko Pakake Winiata nō Ngāti Raukawa Toa Rangatira hei kōrero mō te haka ‘Ka Mate’, ko Finney Davis nō Ngai Tūhoe me Ngāpuhi hei kōrero mō te haka ko ‘Te Puru’ me Raana Huata nō Ngāti Kahungunuhei kōrero mō te haka ko ‘Tika Tonu’.

Kīkī katoa ngā rūma i ngā tāngata nō ngā tōpito katoa o te ao hei whakarongo hei mātakitaki atu ki ngā kōrero hūhua i puta mai i ngā kauwhau nei.

Ko ngā akoranga nui i mau e ōrite ana mai i ngā kaikōrero katoa arā ko ngā āhuatanga ki te taha o ngā kupu me ngā ringa.  He rerekē katoa te tū me te whakaputa i ngā kupu tō tēnā tō tēnā tangata i ā rātou e mahi ana i ngā haka nei.  Ko tā ngā kaikōrero me hoki kia ako tika i ngā kupu me ngā ringa kia mārama pai te tino ia o te haka e haka ana ki te katoa.

Click here to read this story in English

Raahui Papa - He Oranga	Pakake Winiata - Ka Mate
Finney Davis - Te Puru	Raana Huata - Tika Tonu