Breadcrumbs

Te Wiki o Te Reo Māori - Paneke Paneke

Kia koi te hinengaro, kia koi te arero.

Nau piki mai e te hunga kōrero Māori! Karapinepine mai e tama mā e hine mā ki te karanga o te reo rangatira e pōhiritia ake nei. E karanga ana ki ngā manu tatangi o te waokū kia whakakotahi mai ki te pae tūhunga, ki reira wero ai i te hinengaro mā te koi o te arero.

Paneke Paneke, he whakataetae i te atamai o te hinengaro me te tere whakahoki o te arero. Ko te aronga nui o tēnei kaupapa he whakarere i te reo o te hunga kōrero Māori, mā te whakatikatika i ngā hapa, mā te whakawhānui i te pūtea kupu, mā te torotoro ki ngā kīwaha me ngā whakataukī e tutuki ai tēnā tūmanako nui. Koi tū koi hinga.

Ngā ture rēhita:
  1. Me taumata tuarua piki ake rānei tō reo;
  2. Kia 10 noa iho ngā rōpū ki te whakataetae nei;
  3. Ko te hunga moata ka waimaria ki tētahi tūranga;
  4. Kia kaua e iti iho, e nui ake rānei i te 5 tāngata ki ia rōpū, me tokorima;
  5. He 2 haora te roa o te whakataetae;
  6. Me noho ia mema kia mutu rānō te whakataetae;
  7. Me mau ia mema o te rōpū he momo rākai māhunga, he whakakai, he kākahu rānei (hei tauira: heru, tīpare, here pūtiki, tihāte) Kei a koutou te tikanga engari me ōrite ia mema;
  8. Waihangahia he ingoa Māori mō tō rōpū, katahi ka tuhia ki raro ki te wāhanga rēhita;
  9. Mauria mai he tāonga, he taputapu rānei. Ko te mea nei ka noho hei mauri mō tō rōpū;
  10. Ki te kore tētahi rōpū e whai i ngā tohutohu tika kua tangohia he rima māka (-5) i mua tonu i te tīmata o te whakataetae.
Team Details