Te Amorangi - National Māori Academic Excellence Awards
I kōtahi atu te iwi ki te marae o Tūrangawaewae ki Ngāruawahia i te pō o te Paraire te 7 o Poutū te rangi 2008, hei aha, hei whakanui i ngā tāngata Māori kua eke ki ngā tiketike o te mātauranga, kua tū hei kairangi hei tākuta i runga anō i tōnā ake tōhungatanga whānui.
Toru tekau mā rima ngā kaiwhiwhitohu i whakamihia i taua pō mātauranga e kiia nei ko Te Amorangi.
Ka rere te kōrero;
“Ko te Amorangi ki mua ko te hāpai ō ki muri”
Koinei te tino tūāpapa o te kaupapa nei, ā, ka tū ngaua kairangi rā hei amorangi hei rangatira hei kaiārahi hoki mō te iwi Māori me te mōhio hoki kei reira ngā whānau ngā hapū me ngā iwi hei tuarā tautoko.
Ia tau ka tukuna he tohu honore ko Te Whakamaharatanga ki Te Arikinui Te Atairangikaahu e tohu ana i ngā mahi huhua o tētehi tangata hei whakahiki i te iwi Māori.
I tēnei tau i whakawhiwhia taua tohu ki te rangatira a Koro Wetere nō Tainui waka.
E ai ki Te Ahorangi Tuhiwai Linda Smith te Tūmuaki Māori o Te Whare Wānanga o Waikato e pā ana ki te pō me ngōnā wawata mō te Amorangi i ngā tau e heke tonu mai ana;
“Tau ake te pō, he rawe hoki ki te kite atu e whakanui ana i ngā mahi mātauranga whakahirahira tūtukinga, o tērā tangata o tērā tangata.E whakapono ana ahau ka noho tūturu tēnei tūāhuatanga mō ngā tau kei te haramai, he oi he pai kē atu hoki mēnā ka whakauru i ngētehi atu tohu honore.”
Kua whakatau kia tū te pō tohu mātauranga ko Te Amorangi ki Tūrangawaewae Marae mō ngā tau e haere tonu mai ana.
* To read this article in English click here.