Te Whakaminenga
Kua ahu mai tō mātau whakakitenga i te tongi o Kingi Tāwhiao
Māku anō e hanga i tōku nei whare, Ko ngā poupou he māhoe, he patatē, Ko te tāhūhū he hinau.
Te tīmatatanga
I te Paenga-whāwhā 2007, i hui tahi ngā pūkenga Māori e mahi ana ki Te Kura Toi Tāngata i Te Whare Wānanga o Waikato, ki te tuitui kōrero mō o rātau whakakitenga mō ngā tau kei tua atu. Ko te tino hua i puta ko te aranga o Te Whakaminenga, he tuituinga o ngā kaimahi Māori. He arotahi tō rātau ki te whakarato i ngā tūmanako o ngai Māori mā te mātauranga me te rangahau.
He rōpū konorau a Te Whakaminenga i tēnei wā, nō ngā hau e whā. He hekenga te katoa o ngā mema o Te Whakaminenga nō ngā tūpuna Māori, ka mutu, e kaha ana te whakaatu i tō rātau tuakiri Māori. Ngātahi ka tākoha mātau ki ngā hōtaka, wehewehenga, tari tautoko me ngā wāhanga maha kei roto i Te Kura Toi Tāngata.
Tō mātou ingoa
Takea mai te ingoa Te Whakaminenga i te Wakaputanga o te Rangatiratanga o Nu Tireni (1835). I tapaina te ingoa Te Whakaminenga ki te huihuinga o ngā rangatira i waitohu i te Wakaputanga, ki a mau i tō rātau tūnga hei tāngata whenua. I whakamātau hoki te ingoa Te Whakaminenga hei whakatau Rūnanga ki te hopuni.
O mātou mātāpono
Kua tau Te Whakaminenga i runga i ngā māramatanga Māori, arā ngā mātāpono o te whakapapa me te whānaungatanga.
Hei whakamaharatanga te whakapapa ki a mātou ko wai mātou ā o mātou herenga hoki hei Māori. Ā ka whakaae hoki ki tō mātou kotahitanga rāua ko tō mātou ahurea. Ko te whānaungatanga te mahinga o te whānau. I tōna whānuitanga ka hāngai atu ki ngā hononga ka hanga e mātau ki ērā atu. He tino āhuatanga Māori te hanga hononga me te whakatipu whatunga.
O mātau whāinga
Mai i te hanganga o Te Whakaminenga kua tautuhi i ngā whāinga maha mō ngā rā ā mua. Ko ētahi o ngā tino wāhi ka hōpara ko ēnei: te tū motuhake o ngā tāngata whenua, kia tū manukura ai ngā tāngata whenua, ki a whai tūnga ngā tauira tāngata whenua ki ngā tūranga matua ki roto i te kura, te whakakaha i te mahitahi ā hapori, te whakarite hoahoa hei whakaumu me te whakawhiti, ā, kia mau tonu ki te kitenga ngangahau o ngā tāngata whenua ki roto i te kura mō ake tonu atu.
Te whakapā mai
Ina e pīrangi ana koe ki te whai mōhiotanga anō e pā ana ki Te Whakaminenga, he kaimahi rānei koe e hiahia ana ki te uru mai, tēnā whakapā mai contact us.