I tautoko te Whare Wānanga o Waikato me te Kura Toi Tangata ki ngā whāinga o te iwi Māori. He kaiārahi ngā manu taiko i roto i ngā wānanga, ngā whare wānanga, ngā kura me ngā manatū o te Kāwana.
Ngā hōtaka rumaki
Te Ara Poutama Toitū Te Reo (Undergraduate)
I ngā tohu Te Ara Poutama Toitū Te Reo ka puta te tauira hei toa ki te reo Māori, hei toa ki te whakaako i ngā marautanga e hāngai ana ki te tūmomo reanga ( kōhungahunga, kura tuatahi, wharekura) ka tohua e rātou.
Te Ara Hou Te Ahikāroa (Postgraduate)
He tohu tēnei mō te hunga kua whai pūkenga, whai wheako, whai mahi, whai tohu mātauranga rānei, ki te kaupapa o te ako i roto i ngā wharekura, kura tuarua rānei.
Tohu Paerua (Masters)
Mehemea he Tohu Paetahi ā kua rehitatia hei pouako ka taea te tono ki te hōtaka Te Rōpū Tohu Paerua . He tohu PGDipEd (Kaupapa Arareo Māori) ā ka taea te hono ēnei pepa e whā ki tāu whainga i tāu Tohu Paerua.
If you are a qualified teacher interested in postgraduate study there is Te Rōpū Tohu Paerua which is a PGDipEd (Māori Medium Teaching) qualification. These papers can also be taken as part of a Master of Education.
Ngā kaupapa o tēnei hōtaka
He hōtaka i whai i te arohaehaetanga o ngā ariā ki ngā ao o te hopu reo hei reo tuatahi, hei reo tuarua. Ka aro ki te akoranga, te whakaakoranga me te aromatawaitanga mā te reo Māori. Ka whai te taha ariā me ngā pūtoi ako o te ao Māori. Ka tātarihia te whakarauoratanga o te reo Māori me te ao o te Kaiārahitanga i roto i ngā hōtaka Rumaki i Aotearoa. Ka tau hoki ki ērā o te whānau e kaikā ana ki te whai i te ao o te Rangahau Kaupapa Māori.
He hōtaka Rūmaki tēnei no reira ko te reo kia rere, ko te reo kia ora, ko te reo kia māori.
Ngā pepa
E whā ōna pepa. E toru kia whakatutukihia ngā kaupapa o tēnei hōtaka.
Ko te tuawhā; he pepa matua mō te Tukanga Rangahau Māori.
Ngā pepa mātua
- MAOED501 Mātauranga Reo Māori
- MAOED502 Tirohanga Whakahaere
- MAOED503 Te Whakaora Reo: Mātauranga Rumaki
- MAOED500 Kaupapa Māori Research
Mehemea he Tohu Paerua Rumaki hei Kaiako tō moemoeā, ka taea te whakatutuki kia “B” hei taumata taurite mō ngā pepa e whā nei.
Ka tāpirihia hoki tētehi o ēnei whiringa arā:
- 1 pepa Rangahau i whakaritea arā 30 ōna piro. 1 pepa hei whiringa mai i ngā hōtaka Tohu Paerua i te ao o te Mātauranga, Tohu Paerua Kaiārahi i te ao o te Mātauranga rānei, arā 30 ōna piro.
- He tuhingaroa 60 ōna piro.
Mehemea he pātai he kōrero rānei tēnā whakapā atu ki te Kaiwhakahaere o tēnei hōtaka Dr Te Hurinui Karaka-Clarke.